Sulmuesi gjerman, Lukas Podolski ka shënuar një supergol gjatë ditës së sotme  në ndeshjen e skuadrës së tij Gornik Zabrze ndaj Pogon Szczecin.

Gornik Zabrze ka fituar në udhëtim te Pogon Szczecin me rezultat të thellë 4-1 në ndeshjen e javës së 16-të në Superligën e Polonisë.

Megjithatë, vëmendjen e gjithë kësaj ndeshje e vodhi goli i fundit i ndeshjes, shkruan telegrafi.

Shënuesi i këtij goli ishte sulmuesi i njohur gjerman, Podolski, i cili befasoi të gjithë me goditjen e tij.

Podolski shënoi një gol të bukur nga më larg se gjysma e fushës, duke treguar klasin e tij dhe instinktin vrasës edhe në moshën 37-vjeçare.

Ky gol u shënua në minutën e 73-të dhe ishte i rezultatit përfundimtar 1-4.

Goli i gjermanit ka pushtuar rrjetet sociale.

37-year-old Lukas Podolski has still got it ?

(via @_Ekstraklasa_)pic.twitter.com/P3rT1SpMx4

— B/R Football (@brfootball) November 5, 2022